Bi atal berezitu izanen ditu etzi Etxarri Aranazko abesbatzak eskainiko duen kontzertuak. Lehenik, Europa ekialdeko eliza-musika eskainiko du abesbatzak. Horretarako, Hungaria, Lituania, Polonia eta Txekiar Errepublikako XX. mendeko konposatzaileen obrak ekarriko dituzte.
Bigarren atalerako, berriz, erlijio kutsurik ez duten makina bat jatorriko kantuen bilduma prestatu du Etxarri Aranazko abesbatzak. AEBko eta Kolonbiako herri-kantuekin batera, Elberdin, Busto eta Salaberri euskal konposatzaileen obrak izanen dira. Baita pasa den udan San Vicente de la Barquerako lehiaketan abesbatzari saria eman zion Alejandro Yagüeren Dos olas ere.
Egitaraua
1. Missa brevis Zdenek Lukás
I – Kyrie
II- Gloria
III – Sanctus
IV – Benedictus
V – Agnus Dei
2. Eli! Eli! György Deák-Bárdos
3. Gloria patri Vytautas Miškinis
4. Totus tus Henryk Mikolaj Górecki
5. Segalariak Josu Elberdin
6. Dos olas Alejandro Yagüe
7. A tu lado J. Busto
8. Mendirik mendi S. Salaberri
9. Shennandoah James Erb
10. El mochilon E. Correaren moldaketa
11. Izar ederrak Josu Elberdin
Igandean, 19:00etan Etxarri Aranazko elizan.