Asteburuan Urrezko Aizkorako finalera nor sailkatuko zen erabakitzeko bi finalerdi jokatu ziren. Aizkolariek hurrengo lana egin behar zuten: 45 ontzakoa zeinek kolpe gutxiagotan moztu; 45 ontzakoa erlojuz kontra erdibitu; 45 ontzakoa zutik jarrita ebaki; 60 ontzakoa ahalik eta azkerren erdibitu; eta 3 kana-erdiko eta 2 60 ontzako ebakitzea.
Urduñako finalerdian Atutxa (17:06) gailendu zitzaien Erasuni (18:25) eta Lopezi (19:49). Bizkaitarrak finalean egoteko txartela lortu zuen, merezimendu guztiarekin. Eta igandean Deustun jokatutako finalerdian Floren Nazabal izan zen onena (17:51), Jon Rekondo (18:46) eta Mugertza II.aren (20:49) aurretik.
Azpeitiko final handian hiru aizkolari lehiatuko dira. Nazabalek eta Atutxak lortu dute tokia. Hirugarren aizkolaria jokatzeko dagoen hirugarren finalerditik aterako da: Jon Rekondo, Ander Etxeberria eta Felix Etxeberria lehiatuko dira azkeneko txartelaren bila.
Etxarriarra eta Atutxa finalerako sailkatu dira eta hirugarrena nor izango den Rekondo, Ander Etxeberria eta Felix Etxeberriaren artean erabakiko da