Igandean II. Sestaoko Triatloia jokatu zen. Proba osatu zuten 115 triatletek 1,5 km igerian, 34 km bizikletan eta 10 km korrikan osatu behar izan zituzten. Pello Osoro (1:49:26) eta Ibone Sanchez (2:03:10) izan ziren txapeldunak. Sakana Triatloi Taldeko Juan Luis Maizak lan bikaina egin zuen eta 44.a sailkatu zen (2:14:10), bere kategorian, beteranoen 2 mailan, lehena.
1.Urbasa Duatloia ate joka
Urbasako campingak, Nafarroako Triatloi Federazioak eta Bioandelos okindegi ekologiak urriaren 17rako antolatu nahi dute I. Urbasa Duatloia. Kadeteen mailatik gorakoendako proba izango da, eta duatletek 5 km korrikan, 21,6 km bizikletan eta 2,5 km korrikan osatu beharko dituzte. Izena ematea zabalik dago urriaren 15era arte, www.navarratriatlon.com web gunean.