XVI. mendeko baleontzi bat nola eraikitzen den ezagutzeko aukera izanen dute etxarriarrek hilaren 24an. Etxarri Aranazko Udalak eta Gure Ametsa jubilatu elkarteak antolatuta, Pasai Donibanera irteera antolatu dute. Autobusa 9:00etan aterako da Etxarritik. Albaola itsas kultur faktoria bisitatu eta Sakanako haritzekin egiten ari diren itsasontziaren eraikuntza lanen martxa bertatik bertara ezagutzeko aukera izanen dute. Haren ondoren, 14:00etan, Pasaia Donibanen bazkaria izanen da eta herria ezagutzeko aukera izanen da. 19:30ean Etxarrirako buelta hartuko dute.
Izen ematea
Astelehenera arte eman daiteke izena Udaleko Kultura Zerbitzuan (948 460 930 eta info@etxarriaranatz.eus) edo jubilatu elkartean. 35 euro bazkariarekin eta 15 gabe.
