Etxarri Aranatz aldeko Oinarrizko Gizarte Zerbitzuen Mankomunitateak jakinarazi du etxez etxeko lanetan aritzeko langileen zerrenda sortu behar duela. Mankomunitateak dituen beharren arabera zerrenda horretako pertsonei behin-behineko kontratazioak eginen lizkiekete. Interesa dutenek hilaren 30eko 14:00ak arte dute izena emateko aukera. Instantzia, nortasun agiria eta merituen txostena aurkeztu beharko dira. Euskara ziurtagiririk ez duenak maiatzaren 31n, 9:00etan, euskara proba egin beharko du Etxarriko liburutegian. Azterketa teorikoa eta praktikoa garagarrilaren 10ean, ostiralean, 10:00etan izanen da, liburutegian. Deialdiari buruzko informazioa www.etxarriaranazko-ogz.org web orrian, mankomunitatearen bulegoan eta Nafarroako Enplegu Zerbitzuaren Altsasuko bulegoan jaso daiteke.