Etxarri Aranazko egitarauan ezinbesteko ekitaldietako bat bihurtu da Play Back txapelketa. Aurtengoa 23. edizioa izanen da eta agorrilaren 2an, asteartean jokatuko da, 19:00etan. Etxarri Aranazko Kultura Zerbitzutik jakinarazi dute izen ematea zabalik dagoela. Horretarako kultura@etxarriaranatz.eus e-posta helbidera mezua idatzi behar da, edo lehiaketaren egunean hura hasi baino ordu erdi lehenago aurkeztu behar da. Parte-hartzaileek euren musika CD batean eraman behar dute. Herriko hainbat eragilez osatutako epaimahaiak hiru sari emanen ditu: bakarlari edo bikote onenari 75 euro; talde onenari 100 euro eta euskal abesti onenari 75 euro.
Etxarriko Play Back txapelketarako izen ematea zabalik
