Festa einnen debie etxarriarrek gaurkuan. Udal ordezkaiek etxajube piztu eta beheko basuako bidie hartuko debie. Etxe handiye eta San Adrian banatzen ttubien bost km-ek ibili ta gio han fritada prest yonen da. Haragi gixatube eta harren saldakin egindako zopa eskainiko dau udalak. Ta aurrenekos tripako zulue berdindu ta gio ardo kupelak zabalduko ttubie. Alkohola yan nehi ez denandako aukera de yonen da. Eguerdiyen meza izenen da eta handik atiata dantzayen saie.
Biyertien, bazkaiek prestatzeko, makina bat su piztuko die. Han erretako haragiye, eta biotutako eltzekuek mahire hiruten pasako die. Majo bazkaldu ta gio, sei terdiyek aldia, txistulaiek mehis-mehi pasako die ta jota ta porrusaldak dantzatuko ttubie animoso denak. Zazpiten herrieko bidie hasi aurretik Gernikako Arbola kantatu eta herrie kalejira luze-luzien bueltatuko die etxarriarrak. Gauerdieko herriyen izenen die, majo afaltzeko azken geldialdiye einda. Handik aurria dantzakiye dantzatzen debien makina bat soka sortu eta hala sartuko die herriyen. Kioskuen Trikidantzek dantzaldiye eskeiniko dau, 20:00etatik 21:00etara eta 22:30etik 2:30era.
