"Jendeak elkartea ezagutzeko eta hara sartzen animatzeko"helburuz antolatu dute igandekoa. Gure Ametsa jubilatu elkartetik pasatzen direnak argazki (zaharrak, txangoetakoak) eta 1960tik aurrerako festa egitarauen erakusketak eta jatekoak izanen ditu. 12:00etatik 14:30era eta 16:30etik 22:00etara izanen da. "Elkartean ongi pasatzeko aukera" eskaintzen dela esan dute elkarteko kideek. Taberna izateaz aparte, ordenagailua, gimnasia, yoga, egun bateko txangoak, mahai-jolasak eta beste dira elkartearen eskaintza. Hura bertatik bertara ezagutzeko aukera izanen da igandea.