guaixe.eus

Lanpostu pare baterako zerrendak sortuko dira

  Gizartea  Etxarri Aranatz

Etxarri aldeko Gizarte Zerbitzuetan etxez etxeko langile aritzeko eta udalean kontu-hartzaile posturako dira.

Lanpostu pare baterako zerrendak sortuko dira
Etxarri Aranazko udaletxea. | Ikusi handiago | Argazki originala

Etxez etxeko langile lanetan aritzeko interesa duten pertsonen zerrenda egin nahi du Etxarri Aranaz aldeko Oinarrizko Gizarte Zerbitzuak. Sortu daitezkeen beharren arabera behin-behineko kontratazioak egiteko helburuz osatu nahi da zerrenda hori. Interesa dutenek hilaren 22ko 14:00ak arte dute izena emateko epea. Deialdiaren oinarriak www.etxarriaranazko-ogz.org web orrian daude.

Bestetik, Etxarri Aranazko Udalak kontu-hartzaile lanpostuan behin-behinean aritzeko lan poltsa sortu nahi du, hori ere, beharren arabera etorkizunean kontratazioak egiteko. Interesa dutenek hilaren 31ko 14:00ak arteko epea dute izena emateko. Deialdiaren oinarriak www.etxarriaranatz.eus web orrian daude. Batean eta bestean euskara proba (titulua ez dutenek) eta bestelakoak egin behar dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak