Larunbatean lehertuko da festa Etxarri Aranatzen. Herri kirolarien, aizkolarien, pilotarien, palisten eta futbolarien herria da Etxarri Aranatz, eta festetako egitarauan aipatu kirolek euren tokia izanen dute.
Igandean, 12:30etik aurrera, aizkolarien, harrijasotzaileen eta korrikalarien bilgune izango da Etxarriko plaza. Herri kirol apustu konbinatua izanen da, aizkoran, harrian eta lasterka. Horretaz gain, Erdozia familia etxarriarreko aizkolarien 3 belaunaldiren erakustaldia izango da eta horri Sakanako Aizkora Eskolako ikasleen erakustaldia gaineratuko zaio.
Festetako areto futbol txapelketa
Larunbatean festak eztanda egin baino ordubete lehenago, 12:00etan, Etxarriko Gazte Asanbladak antolatutako Festetako Futbito Txapelketako finala jokatuko da. Eta baloiarekin jarraituz, asteartean, haurren egunean, Futbol-Plaza Txapelketa hartuko du Etxarri Aranatzek.
Emakumezkoak, palan
Festetako egitarauarekin jarraituz, ostegun eguerdian nesken pala partidak antolatu ditu Gure Pilota Elkarteak Etxarri Aranazko Euskalerriari pilotalekuan. Bestalde, gaur, ostiralarekin 19:00etan pilota eta pala partidak antolatu ditu Gure Pilota Elkarteak.
Igandean 12:30ean, herri kirolen apustua, erdoziarren erakustaldia eta aizkora erakustaldia izanen dira Etxarri Aranatzen