guaixe.eus

Itzaleko txikizioen aurrean

  Gizartea  Etxarri Aranatz

irurtzun greziara karabana bilaketarekin bat datozen irudiak

Itzaleko mamuak dira errepresioa, kartzela, gorrotoa, mendekua, dispertsioa, isolamendua, zigorra, jazarpena, xantaia....Itzalaren ikara erabiltzen dute Euskal Herriaren etsaiek herriaren askatasun egarria itotzeko, etsipena hedatu eta mendetako ukazioa betikotzeko. Itzalaren iluntasunari argia eman dio askapen borrokak belaunaldiz belaunaldi. Argia ekarri dutenak maitasuna, elkartasuna, auzolana, sormena, errebeldia, duintasuna... dira.

Hamar urte muturreko baldintzetan gatibu mantenduta itzali nahi izan dute Hodei Ijurko gaztearen argia; bera itzalita Etxarri Aranatz eta Euskal Herrian iluntasunak eremuak irabaziko zituelakoan. Pizturik itzuli zen ordea Hodeiren argia Etxarrira irailaren 20an Etxarrira; berak ekarritako txinpartak egundoko distiraldia eragin baitu gure herriko bizitzan. Hodeik eman digunaren zati bat bederen itzultzeko antolatu genituen larunbatean herri bazkaria eta kontzertuak. Denak auzolanean: Hodeiren lagunak, Gazte Asanblada, herriko musikariak, sukaldari boluntarioak, Udaberri eta Karrikestu elkarteak... Egun borobila atera zen, emozioz eta maitasunez beterikoa, Hodeik eta bere familiak merezi duten tamainakoa.

Gaueko itzalean ezkutatuta Etxarriko herriaren ondasunetan txikizioak egin dituzuenoi: zuen “graziak” ez du puta graziarik egiten; ez duzue ezer ulertu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak