Eguberri oporretan eginen du Etxarri Aranazko abesbatzak kontzertua, abenduaren 23an, baina ez da Gabonetako kontzertua izanen. Hortaz, Pax deitutako emanaldia eginen dute abeslariek. 19:00etan izanen da kontzertua, elizan. Abesbatza txikiak ere parte hartuko du. Emanaldi hunkigarria izanen dela aurreratu dute abesbatzatzako kideek.
Hevenu Shalom Aleichem, The Lamb, Imagine edota O Note Lux bezalako abestiak intrepretatuko ditu Etxarri Aranazko abesbatzak. Agnus dei, De Pacem Dorina, Aquarius eta Let the sunshine in, Silent night edo Nere etxea abestiek osatuko dute errepertorioa. Gabon-kantarik ez; bakearen inguruko mezuak izanen dira nagusi Pax kontzertuan.
Urtarrilaren 4an, ostirala, 19:30ean, Pax kontzertua Altsasuko Iortia kultur gunean eginen dute.