"Erriberan kantatzea polita izanen da, saio berezia"

Tuteran parte hartuko duten sei bertsolariak, Karasatorre lehenengoa eskuinean. NAF. BERTSOZALE ELKARTEA

Bihar, otsailaren 9, larunbata, hasiko da Nafarroako Bertsolari Txapelketa Tuteran. Karasatorrek jokatuko du

Nafarroako Bertsolari Txapelketa hasteko dena prest dago. Prest daude ere Sakanako bi bertsolariak: Saats Karasatorre eta Eneko Lazkoz. Izan ere, asteburuan lehenengo final-laurdena jokatuko da Tuteran. Igandean Urdazubin izanen da saioa. Eta Karasatorre bihar ariko da Nafarroako Bertsolari Txapelketaren mustutze saioan. Lazkoz datorren astean estreinatuko da aurtengo txapelketan.

Nafarroako Erriberan izanen da Bertsolari Txapelketaren lehenengo saioa bihar. Igandean, aldiz, Urdazubira, Nafarroako iparraldera, bidaiatuko du txapelketak, izan ere, Nafarroako Bertsozale elkartearen, txapelketaren antolatzailearen, helburuetako bat bertsolaritza eta euskal kultura geografia osotik sustatzea da. Saats Karasatorre bertsolari etxarriarra ariko da biharko final-laurdenean, 2019ko Nafarroako Txapelketaren lehenengo saioan, Tuteran. Karasatorrek azaldu duenez, "polita" iruditzen zaio Erriberan kantatzea: "saio horiek bereziak izaten dira. Nafarroako beste zonaldetan batzuetan kantatzera ohituta gaude". Nafarroa Oinez 2019 antolatzen duen Argia ikastolak Tuterako saioaren antolakuntza lanetan dago ere.

Sei bertsolari ariko dira biharko saioan: Aimar Karrika, Eneko Fernandez, Alazne Untxalo, Mikel Lasarte, Joana Ziganda eta Karasatorre. Gai-jartzailea Maialen Belarra izanen da. 17:30etan hasiko da saioa Tuterako Musika Eskolan. Karrikarekin eta Untxalorekin noizbait aritu dela esan du Karasatorrek, baina lehenengo aldia izanen da beste hiru bertsolariekin. Izan ere, txapelketan adin tarte ezberdineko jendeak parte hartzen du.

Bertso eskolan lagun
Karasatorre Etxarri Aranazko bertso eskolan prestatzen aritu da biharko saiorako. Bertan Eneko Lazkozekin eta Joseba Beltzarekin trebatzen da. "Nafarroan bertsoaren mundua oso txikia da eta modu naturalean sortu da bertso eskola hau. Herrikoak gaude". Joseba Beltza epaile lanetan arituko da final-laurden fasean, eta Karasatorreren ustez "okerragoa" izan daiteke: "agian gehiegi ematen ari zarela gerta liteke, eta jaitsi behar zara. Arriskutsua da". Txapelketan bakoitzak bere papera jokatzen duela azaldu du.

Aurreko txapelketan parte hartu zuten arren, Karasatorrek eta Eneko Lazkozek ez dute txapelketan elkarrekin kantatu. Lazkoz otsailaren 17an, igandea, mustuko da txapelketan, Lizarran. Aurreko txapelketaren finalista izan zen Lazkoz. Lasai dagoela esan du Etxarriko bertsolariak: "beste lasaitasun batekin ateratzen naiz jendaurrera. Zerbait gustatzen zaizuenean disfrutatzeko egin behar duzu, ez sufritzeko". Nafarroako Bertsolaritza osasuntsu izateko finalean aurpegi berriak behar direla dio, "ni tartean banago".

Txapelketako saioak:

Final-laurdenak      
Tuera (Musika eskola) Urdazubi (kultur etxea) Irurita (Gizarte Bilgunea) Lizarra (Gazteriaren etxea)
Otsailak 9, 17:30ean Otsailak 10, 17:30ean Otsailak 16, 17:30ean Otsailak 17, 17:30ean
Aimar Karrika Julio Soto Xabi Maia Eneko Lazkoz
Eneko Fernandez Saioa Alkaiza Xabier Terrero Julen Zelaieta
Alazne Untxalo Iker Gorosterrazu Joanes Illarregi Josu Sanjurjo
Mikel Lasarte Iban Garro Patxi Castillo Amaia Elizagoien
Joana Ziganda Irati Majuela Xabat Illarregi Sarai Robles
Saats Karasatorre Sahats Aleman Endika Legarra Diego Riaño
Gai-jartzailea: Maialen Belarra Gai-jartzailea: Ainhoa Larretxea Gai-jartzailea: Zigor Gartzia "Zian" Gai-jartzailea: Ander Aranburu

 

Finalaurrekoa    
Atarrabia (kultur etxea) Etxarri Aranatz (kultur etxea)  Lesaka (kultur etxea)
Martxoak 3, 17:30ean Martxoak 9, 17:30ean Martxoak 10, 17:30ean
Tuterako irabazlea Urdazubiko irabazlea Iruritako irabazlea
Puntuazioz 2.ena Puntuazioz 1.goa Lizarrako irabazlea
Puntuazioz 3.ena Puntuazioz 4.ena Puntuazioz 5.ena
Puntuazioz 8.ena Puntuazioz 7.ena Puntuazioz 6.ena
Puntuazioz 9.ena Puntuazioz 10.ena Puntuazioz 11.ena
Puntuazioz 14.ena Puntuazioz 13.ena Puntuazioz 12.ena
Gai-jartzailea: Maider Ansa Gai-jartzailea: Alaitz Rekondo Gai-jartzailea: Fernando Anbustegi

 

Finala
Iruñeko Anaitasuna kiroldegian
Martxoak 23, 17:00etan
Atarrabiako irabazlea
Etxarri Aranazko irabazlea
Lesakako irabazlea
Puntuazioz 1.goa
Puntuazioz 2.ena
Puntuazioz 3.ena
Puntuazioz 4.ena
Puntuazioz 5.ena
Gai-jartzaileak: Alaitz Rekondo eta Fernando Anbustegi



Erlazionatuak

"Gustatzen zaizuna disfrutatzeko egin behar duzu, ez sufritzeko"

Etxarri Aranatz

Eneko Lazkoz bertsolari etxarriarra datorren igandean, otsailaren 17an, mustuko da Nafarroako Bertsolari Txapelketan. Momentuz lasai dagoela aitort...
Saats Karasatorre Nafarroako Bertsolari Txapelketarako prest

Etxarri Aranatz

Otsailaren 9an, larunbatean, hasiko da Nafarroako Bertsolari Txapelketa Tuteran. Igandean Urdazubin izanen da final-laurden saioa. Tuteran Saats Ka...