Larunbatean Kadeteen Mailako Nafarroako 4x4 Txapelketako 3. jardunaldia eta finala jokatu ziren Berriozarren. Guztira 7 talde lehiatu dira kadeteen txapelketan (280 kg): Etxarri Aranazko Andra Mari ikastolako 2 talde, Araxes, Berriozar klubeko 2 talde eta Antsoaingo 2 talde.
Hirugarren jardunaldia jokatu eta gero, lehen bi talde onenak finalerako sailkatu ziren: Andra Mari B (20 puntu) eta Antsoain B (16,5 puntu). Hirugarren jardunaldi horretan, Antsoaingoak Etxarri Aranazkoak baino finago ibili ziren, eta, hortaz, final lehiatu eta zaila aurreikusten zen. Urduritasun handiko finalean, azkenean txapela Etxarri Aranatzera ekarri zuen Andra Mari ikastola B taldeak, Antsoain B mendean hartu eta gero. Pozik, oso pozik daude Andra Mari ikastolan.
Hirugarren eta laugarren postua erabakitzeko finala Antsoain A eta Berriozar A taldeek jokatu zuten, eta Berriozar A izan zen finago, Antsoain A taldearen aurretik. Berriozar B bosgarrena sailkatu da, Araxes seigarrena eta Andra Mari A zazpigarrena.