Udaberri elkarteak Etxarriko ferietako igandean 44. Etxarriko Mendira Joan Etorria antolatu du. Horretarako Etxarri Aranazko Udalaren eta herriko eta inguruetako hainbat entitate, komertzio eta tabernen babesa izan du. Etxarriko plazatik aterata, Hartzabalera edo Barga gainera igotzea eta jaistea da erronka (10 km, 512 m desnibel +). Lasterketa Nafarroako Mendi Lasterketen Txapelketarako puntuagarria da. Errekorra apurtuz gero –emakumezkoena 52:56 eta gizonezkoena 42:50– 300 euro eskuratuko ditu txapeldunak, dauden sariez gain.
Izena ematea zabalik dago www.rockthesport.com web gunean, urriaren 5eko 22:00ak arte (10 euro).