Garai bateko festen datetan feriak ospatzen dituzte etxarriarrek. Larunbat eta iganderako egitarauan kirola (pilotariak, korrikalariak eta aizkolariak), dantzaldiak, jatekoak (talo tailerra eta auzateak) eta salmahaiak izanen. Azken horiek igande goizean. Guztira 14 artisau lanean ikusteko aukera izanen da plazan. Haien aldamenean makina bat ekoizlek euren produktuak zuzenean salduko dituzte eta beharrezko azalpenak emanen dituzte euren mozkinen inguruan.
Plazaren beste aldean, bestalde, Etxarri Aranazko aziendaren erakusketa izanen da: ardiak, arikoak, astoak, ahuntzak, txerriak, behiak eta behorrak. Plazaren iparraldeko aldea beteko dute abeltzain etxarriarrek eta, horregatik, udalak eskerrak eman dizkie erakusketa prestatzeko egindako lanagatik. Aurtengo berritasuna Etxarri Aranatzen jokatuko den III. Nafar Tortilen txapelketa izanen da. Ez da goizean jokatuko den lehiaketa bakarra, Sakanako artzainen gazten txapelketa ere jokatuko baita 16. aldiz.
Egitaraua
Lastailak 4, ostirala
18:30ean The Upper Room gospel taldearen kontzertua, plazan.
Lastailak 5, larunbata
12:00etan Etxarriko erraldoi eta buruhandien konpartsa.
17:00etan Talo tailerra, Saralegitarrekin.
17:00etan Pilota partidak, frontoian.
18:00etan Bordetxe abere zirkua, plazan.
20:00etan Auzatea, Karrikestu elkartearen eskutik.
20:00etan Salbea, elizak antolaturik.
20:30etik 22:00etara Dantzaldia The Trikiteens taldearekin.
22:00etan Zezensuzkoa.
00:00etatik 03:00etara Dantzaldia The Trikiteens taldearekin.
Lastailak 6, igandea
10:00etatik 14:00etara Etxarriko aziendaren erakusketa. Ekoizle eta artisauen azoka.
11:00etan XLIV. Mendira Joan-Etorria, Udaberri elkarteak antolaturik.
11:15ean Auzatea, Larrañeta elkartearen eskutik.
11:30ean Sakanako artzainen XVI. Gazta Txapelketa.
12:15ean III. Nafar Tortillaren Txapelketa. Izen ematea gauerdira arte info@kukubat.eus e-postan.
18:00etan Euskal Herriko bigarren mailako aizkora txapelketaren kanporaketa, frontoian.
18:00etatik 21:30era Xaiborrekin musika jaialdia.
21:00etan Zezensuzkoa.
| Etxarriko ferietako artisau azoka | |
| Artisaua | Zeramika |
| Otero Pilotagilea koop. | Euskal pilotak |
| Maider Telletxea | Ezpela |
| En cueros Larrutan | Larrua |
| Sara Redondo | Puntua |
| Adriana Ojer / Alain Flores | Artilea |
| Arrate Lizarralde | Saskiak, otarrak |
| Erabili | Jantziak |
| Atelier Cuero | Larrua |
| Silbia Sesma Nazabal | Gantxiloa |
| Zapatari | Zapatak |
| Joana Hernandez | Zeramika |
| Artesania Eguzkilore | Harria eta fosilak |
| Idoia Gabantxo | Moda etikoa, jantziak |
| Maider Mendinueta | Bisuteria |
