Valen Ormazabalek, Juantxo Saenz, Alain Iriartek eta Miren Jauregik osatu zuten epaimahaia. Idiazabal Jatorri Izendapeneko kata batzordeko Joserra Agirianoren laguntzaz gazta baloratzeko zortzi oinarriak ezagutu eta haien arabera eman zituzten puntuak (gaztaren forma, azala, orearen kolorea, begiak, kolorea, testura, zaporea eta ondorengo zaporea). Lehen saria Arruazuko Albi gaztandegiarendako izan zen, bigarrena Arbizuko Araña-Etaiorendako eta hirugarrena, berriz, Dorraoko Felix Resanorendako.