Azaroa Bertsoaroaren garaia izan da. Hilabetean zehar hainbat bertso ekitaldi izan dira, eta aroari amaiera emateko Bertso Jaialdia eginen dute bihar, azaroaren 26an, 19:30ean, Nafarroako Antzerki Eskolan. Bertan Alaia Martin, Andoni Egaña, Iker Gorosterrazu, Maddi Ane Txoperena, Sustrai Colina eta Eneko Lazkoz etxarriarra ariko dira. Gai-jartzailea Maialen Belarra izanen da. Bertso Jaialdirako gonbidapenak ordubete lehenagotik eskura daitezke. Eneko Lazkoz Nafarroako bertsolari txapeldunordea da.