Emakumezkoak Labritera itzuliko dira. Gaur, uztailak 14, asteazkena, Sanferminetako Emakumeen Pilota Jaialdia antolatu du Nafarroako Pilota Federazioak Iruñeko Bomboneran, zesta punta, paleta goma eta esku pilotako partida banarekin. Jaialdia 18:00etan hasiko da eta sarrera dohainik da.
Lehenik eta behin zesta puntako partida jokatuko da. Eliak eta Cosok Urdaniz eta Revilla izanen dituzte aurkari.
Irati Igoa Sesma palista etxarriarrak paleta gomako partidan parte hartuko du. Murillorekin bikotea osatuko du Igoak, Espinalen eta Ardanazen kontra aritzeko.
Esku pilotako partidak itxiko du jaialdia. Salsamendik eta Alvarezek Oskoz eta Mendiburu izanen dituzte aurkari.