Udako Masters CaixaBank Torneoko hasierako ligaxkako hirugarren jardunaldiko partida bat Etxarri Aranatzen jokatuko da. Uztailaren 30ean izanen da, ostiralarekin, 22:00etatik aurrera. Joseba Ezkurdia arbizuarrak eta Imazek Elezkano II.a eta Mariezkurrena II.a izango dituzte aurkari.
Aurretik, binakako jaialdi batek zabalduko du jaialdia. Joanes Bakaikoa etxarriarrak Aretxabalearekin osatuko du bikoa, Salaberriaren eta Ladis Galarzaren kontra jokatzeko.
Aipatu profesionalen mailako pilota jaialdi eder honetarako sarrerak salgai daude, 20 eurotan, Etxarri Aranazko udaletxean.