Pandemiagatik feriak bertan behera utzi ditu Etxarri Aranazko Udalak. Hala ere, astebururako egitaraua prestatu du. Hasteko, larunbatean, 17:00etan, Atzokoa gaurkora ekarriz erakusketa antolatu du udalak. Etxarriko etxeetatik jasotako garai bateko tresna zaharrak, argazki, margolanak eta beste, ikusgai izanen dira. Igande goizean Etxarri Aranazko plazak artisau eta ekoizle azoka hartuko du, 10:00etatik 14:00etara. Lehen sektoreko 13 ekoizle eta 11 artisauekin batera, Nafarroa Oinezeko salmahaia izanen da. Lasterkaiak 11:00etan abiatuko dira mendira, joan-etorria egiteko; Lasterketaren 46. edizioa jokatzen den bitartean, 17. Sakanako Artzainen Gazta Txapelketa jokatuko da plazan bertan.
Etxarri Aranazko Gazte Asanbladak ere egitaraua prestatu du astebururako. Gaur, 19:00etan, saiheski jana eginen dute gaztetxean. Eta 22:00etatik 01:00etara gazte egoitzak jokoak hartuko ditu, dadoak, erruleta eta beste. Larunbatean, 19:00etan, pintxada egonen da gaztetxean. Eta 22:00etatik 01:00etara txupitoak zerbitzatuko dituzte. Azkenik, igandean, 10:30ean, maiatza sarreran lasterkaiak animatzeko hitzordua jarri dute. 18:30ean, berriz, Pontx pailazoaren emanaldia izanen da gaztetxean.
| Ekoizleak | ||
| Ekoizleak | Produktua | Herria |
| Erlan | Eztia | Jaitz |
| Josu | Ardi gazta | Goldaraz |
| Joxan | Ahuntz gazta | Goldaraz |
| Karlos | Marmeladak | Artatza |
| Domiña | Betizu txorizoak | Goizueta |
| Balda | Ardi gazta | Unanu |
| Jeingenekoa | Behi gazta | Etxarri Aranatz |
| Albi | Ardi gazta | Arruazu |
| Lorentxo | Txerrikiak | Baztan |
| Sandra | Ukenduak | Aritzkuren |
| Mendiko | Ardoa | Oibar |
| Legarbe | Barazkiak | Etxarri Aranatz |
| Aleka | Bertano aziak | Beizama |
| Artisauak | |
| Artisaua | Zer |
| Artisai | Eskuz egindakoak |
| Maria Esparza | Zeramika |
| Zapatari | Oinetakoak |
| Artilezko hodeiak | Artilea |
| Larruzko Eskuak | Larrua |
| Erabili | Arropa |
| Azpeitiako Saskigileak | Saskiak |
| Igor Unanue | Zura |
| Otero | Pilotagilea |
| Jule | Arte serigrafia |
| Txus Gruzeta | Zilarra |