Etxarri Aranazko Abesbatzak Burlatako Hilarión Eslava musikaren astean parte hartuko da etzi, larunbata, 20:00etan, kultur etxeko antzokian. Abesbatzaren 50 urteurrena da aurten, eta pandemiak eragindako egoeragatik ospakizunak atzeratu dituzten arren, oholtzara itzuliko dira Burlatan. Errepertorioa oso anitza da, errenazimendutik musika garaikidera, baita euskal musika eta zinemako soinu bandak ere. Burlatako kontzertuaren sarrerak 6 eurotan eros daitezke aldez aurretik eta 8 eurotan egunean bertan.
Etxarri Aranazko Abesbatza Burlatan
Etxarri Aranazko koroak kontzertua eskainiko du larunbatean, urriak 30, 20:00etan, Burlatako kultur etxeko antzokian. Azaroaren 1ean, astelehenean, Etxarri Aranazko elizan, 19:00etan, Norvegiako Stemmer ganbera abesbatzaren emanaldia izanen da.