Trikuharriak, txondorrak, errotarriak, harrobiak... Etxarri Aranazko beheko basoan hamaika altxor ikus daitezke, eta horiek ezagutzeko Ezpileta elkarteak eta Karrikestu mendi taldeak, Triku Trail lasterketaren antolakuntza taldearen laguntzarekin, txangoa antolatu dute. Maiatzaren 21ean, larunbatean, 09:30ean Etxarri kanpineko goiko aparkalekoan bilduko dira bertatik basotik ibilbidea egiteko.