Igandean, ekainaren 5ean, 17:30etik aurrera Andra Mari ikastolaren VII. Binakako Lasterketa-Naparpellet Saria jokatuko da, familia, jarduera fisikoa eta parte hartzea sustatzeko.
Ordu bat lehenagotik izena eman daiteke, Etxarri Aranazko estalopean. Bost kategoria ezberdinetan jokatuko da. 2 eta 5 urte bitarteko haurrak bakarka ariko dira, moto lasterketan, eta gainontzekoak binaka. Haur bakoitzak heldu batekin osatu beharko du bikoa, eta LH 5-6 mailatik aurrerako guztiek, nahieran. Bukaeran auzatea eta photocalla izanen da. Urbasa Abenturako zortzi sarrera eta Borda jatetxean otordua zozketatuko dira.