Pandemiagatik azken bi urtetan San Kiriko "sinbolikoak" ospatu ondoren, astelehenean, ekainaren 13an, San Kiriko egunean, ohiturari helduko diote berriz etxarriarrek eta Andra Mari ermitara joanen dira patroiaren eguna ospatzera. 18:45ean udaletxetik ermitara kalejira eginen dute eta, bertan, 19:00ak aldera, aurreskua dantzatuko dute. Beranduago, 20:30ean gutxi gora behera, kintoen unea izanen da eta dantzakia dantzatuko dute. Ondoren, kalejiran herrira itzuliko dira. Behin herrian Orots taldearen emanaldia izanen da, 20:30etik 23:00etara eta 00:00etatik 02:00etara.