Sinopsia: Euskadi Saria irabazi zuen Harkaitz Canoren 'Orkestra Lurtarra' liburuan oinarrituta dago, baina bestelako tratamendua egin diote musikalki, baita istorioan ere, garaikideago eta ganberroagoa bihurtuta. Lotura Films-ek orain arte egin duen lanik "txoro" eta dibertigarriena da, bai txiki zein helduentzat aproposa dena. Filmeko pertsonaiek eta hauek arrakastaren bilaktan biziko dituzten hartu emanek gizartea ezinhobeto erretratatzen dute: Manu ameslaria eta pixkat ttuntuna; Salegi bizizale eta harroa, Perfumetti anai erromantikoak; Aldika orojakilea; Osoki bihurri eta egoskorra, Presidentea izeneko ahuntza...
Zuzendariak: Imanol Zinkunegi eta Joseba Ponce
Gidoilariak: Harkaitz Cano eta Eneko Olasagasti
Musika: Joseba Ponce
Emanaldia: Uztailaren 13an, asteazkenean, 22:00etan, Etxarri Aranazko ikastolako patioan
Oharrak:
- Bakoitzak bere eserlekua eraman beharko du.
- Ez dago zazpi urtetik beherako haurrentzat gomendatuta.