Bertsolari Txapelketa Nagusiko lehenengo bi saioak jokatu dira Getxon eta Arrasaten asteburuan. Guztira, 1.300 lagun bildu ziren bi saioetan, lehenengoan 600 eta bigarrenean 700. Urriaren 1ean, larunbatean, Gotaine-Irabarnen jokatuko da hurrengo saioa, eta Eneko Lazkoz Martinez etxarriarrak parte hartuko du.
Miren Amuriza Plaza, Iñaki Apalategi Astigarraga, Xabat Illarregi Martzol, Saioa Alkaiza Guallar, Joanes Illarregi Marzol eta Gorka Pagonabarraga Agorriak parte hartu zuten saioan. Azken orduko bat zela eta, Xabat Illarregik kantatu zuen Xabier Silveiraren ordez. Joanes Illarregi izan da puntu gehien pilatu dituen bertsolaria, 678 puntu, eta urriaren 22ko Elizondoko finalaurrekorako txartela lortu du, Unai Agirrerekin eta Alaia Martinerekin batera. Gaurko beste bost bertsolariek puntuazioaren arabera izango dute finalaurrekoetara sailkatzeko aukera.
Epaile lanetan Egoitz Iradier Martinez de Albeniz, Eneko Bidegain Aire, Jurgi Fuentes Goikoetxea, Karlos Ibarguren Olalde, Leire Beloki Lizarralde, Miriam Juaristi Urizar eta Saioa Mitxelena Irazoki aritu ziren. Idazkari lanetan, berriz, Ane Errazkin Aranburu eta Joxe Mari Altuna Berridi.