Aldi baterako enplegua egonkortzeko eta finkatzeko prozesu bereziaren barnean, Etxarri Aranazko Udalak musika eskolako zortzi lanpostu egonkortzeko deialdia eginen du irailaren 1etik aurrera. Zehazki honako musika irakasle lanpostuak bete nahi ditu udalak: biolin, orkestra, akordeoi, kantu, txistu, txirula, bateria eta gitarra. Merezimendu lehiaketa bidez beteko dira lanpostuak. Hautatuak diren irakasleak lan kontratudunak izanen dira eta lanaldi partziala izanen dute. Guztiei euskarazko C1 maila ezagutza eskatzen zaie.