Apirilaren 23an 33. Hiru Herri lasterketa jokatu zen, Atarrabia, Burlata eta Uharte Iruñea batzen dituen lasterketa ezaguna, Hiru Herri klubak antolatzen duena. Bi distantziatan jokatu zen: 10 km eta 5 km. Guztira 493 korrikalarik parte hartu zuten, 369k 10 kilometrotan eta 124 korrikalarik 5 kilometrokoan.
10 kilometroko proba borrokatua izan zen, baina Javier Nagorek erasoa jo, aldea atera eta erraz gailendu zen (31:51). Asier Estarriaga etxarriarrak lasterketa polita egin zuen eta zazpigarren sailkatu zen (34:16). Top 25 kontuan hartuta, Ivan Sobredo hamabigarren sailkatu zen (35:23), eta Mikel Berdud 22. (36:41). Emakumezkoetan, Vanesa Pachak ez zuen areriorik izan (37:35) eta minutu eta erdi baino gehiago atera zizkion Henar Etxeberriari (39:02).
5 kilometroko proban Markel Ciriza gailendu zen (15:46), Mikel Azkonari 3 segundo aterata (15:49). Israel Arbizu etxarriarra laugarren sailkatu zen (16:04). Emakumezkoetan Maite Gonzalezek irabazi zuen (19:09).