Igandean zabaldu zituen ateak Etxarri Aranazko Udalaren gaztetxokoak. Udalak jakinarazi duenez, gaztetxokoa azaroaren 19tik maiatzaren 28ra arteko asteburuetan zabalik egonen da; larunbatetan 17:00etatik 21:00etara, eta igandetan 17:00etatik 20:30era. Gaztetxokoa Lehen Hezkuntzako 6. mailatik Derrigorrezko Bigarren Hezkuntzako 4. maila bitartean dauden gazteei zuzenduta dago.
Gaztetxokoko erabiltzaile izateko izena eman eta dagokion ordainketa egin behar dela gaztigatu du udalak. Etxarri Aranatzen erroldatutako gazteek 30 euro ordaindu beharko dituzte eta, herria erroldatuta ez daudenek 40 euro. Ordainketa egin ondoren, ordainagiria eta matrikula orria beteta udaletxean aurkeztu beharko dira. Izena emateko orria www.etxarriaranatz.eus webgunean eskuratu daiteke.
Gazteei zuzendutako udal zerbitzuaren inguruan informazio gehiago nahi duenak udaletxetik pasa daiteke astegunetan 10:00etatik 14:00etara, 606 239 008 telefono zenbakira hots egin 09:00etatik 14:00etara, edota kultura@etxarriaranatz.eus helbide elektronikora idatzi. Udalak gazteak gaztetxokoan parte hartzera gonbidatu ditu.