Sakanako Mankomunitateak Gure Pilota elkartearekin eta bestelako entitateekin antolatutako XIX. Sakanako Pala Txapelketa azaroaren 24tik 26rako asteburuan, ostiraletik igandera, hasiko da. Urtero lez, palista onenak lehiatuko dira txapela preziatuenen bila. "Etxarri Aranazko Gure Pilotako Miguel Aristorenak eta Yanira Aristorenak lan handia egiten dute txapelketa antolatzen, eta aurten ere goi mailako txapelketa prestatu dute" azaldu du Amaia Gerrikagoitia kirol teknikariak.
76 palista
XIX. Sakanako Pala Txapelketa hiru mailatan jokatzen da: eliteak, lehen maila eta txikiak. Guztira 38 bikotek hartuko dute parte: sei bikotek elite mailan, bi multzotan banatuta; bederatzik lehen mailan, hiru multzotan banatuta; eta txikien mailan 26 bikotek, bost kategoriatan banatuta: txitoak (zortzi palista dira eta elkarren artean jokatuz erakustaldia egingo dute); kattagorriak (bost bikote); tximeletak (bost bikote); usoak (bost bikote) eta pottokak (lau bikote). Beraz, guztira 76 palista lehiatuko dira Sakanako Pala Txapelketan. Partida gehienak Etxarri Aranazko Euskalerriari pilotalekuan jokatuko dira.
Harrobi ederra
Txikien mailako 23 bikoteetatik gehienak Gure Pilota klubeko palistak dira. "Eskola oso osasuntsu dago. Aurten junta berria dute Gure Pilotan, eta sartu diren guraso batzuk asko inplikatu dira elkartean, aristorenatarrekin batera. Udan Nafarroako herri askotan ibili dira pala partidak jokatzen, eta palaren zabaltze lan polita egin dute" nabarmendu du Gerrikagoitiak.
Baina aurten nabarmentzekoa da goiko mailetan, eliteetan eta lehen mailatan, guztira zazpi palistar daudela, orain arteko kopururik handiena. Hori oso albiste ona da, harrobian lan bikaina egiten ari den seinale. Elite mailan Naroa Otxoa eta Irati Igoa etxarriarrek parte hartuko dute, eta lehen mailan Maialen Larraza etxarriarrak, Lexuri Lazkoz lizarratarrak, Onditz Gaintzarain arbizuarrak, June Astitz uhartearrak eta Auritze Beltza etxarriarrak.
Sakanako Pala Txapelketaren egutegia
Azaroak 24 ostirala
18:00, Etxarri Aranatzen
Txikiak
Bigarren jardunaldia
Izar B. - Naiara / Goiatz - Izane
Laiatz - Sarai / Irene - Olaia
Izaro - Anitz / Natale - Katixa S.
Sua - Olaitz / Leire - Alaine
Azaroak 25 larunbata
10:00, Etxarri Aranatzen
Txikiak
Bigarren jardunaldia
Haizea - Nahia I. / Malen - Arhane J.
Jare - Irati L. / June C. - Arhane G.
Eider - I.Zabalza / Laida - Iraia A.
Uxue - Izadi / Olaia - Nahia G.
16:30, Etxarri Aranatzen
Lehen maila
Lehen jardunaldia
Lexuri - Kerejeta / Auritze - Eguskiza
Lopez - Sarasibar / Artazkoz - Astitz
Azaroak 26 igandea
11:00, Etxarri Aranatzen
Eliteak
Lehen jardunaldia
Irazustabarrena - Irati Igoa / Espinal - Ardanaz
12:30, Etxarri Aranatzen
Lehen maila
Lehen jardunaldia
Mazizior - Larraza / Purroy - Onditz