Apirilaren 6an 23. Eguesibarko Duatloia jokatu zen, hiru modalitateetan: banaka, binaka eta taldeka (5,2 k, korrika-24 km bizikletan-2,5 km korrika). Banakako txapelketa edo proba herrikoia 21 duatletek osatu zuten eta Mikel Otaegik irabazi zuen nagusitasun osoz (1:07:09), Ekaitz Otegiri ia bi minutu aterata (1:08:56). Sakana Triatloi Taldeko Ekhi Congilek osatu zuen podiuma (1:10:14).
Taldekako proban 30 taldek hartu zuten parte eta Hiru Herri 1 taldea izan zen garailea (1:09:31), alde handiz. Azkenik, binakako txapelketan 19 bikotek hartu zuten parte eta Xabier Arteagak eta Joseba Lopezek irabazi zuten (1:10:07)