Etxarri Aranazko Euskal Festaren barruan Iñerexagubek gazte kuadrillak kirol ekitaldi berezia antolatu zuen: V. Triatlonporras triatloia. Etxarri Aranazko kanpinetik abiatu zen proba, igeriketa sektorearekin. Igeriketetan 500 m igerian egin eta gero, bizikletan 17 km-ko ibilbidea osatu zuten partaideek, bukaeran 5,3 km-ko korrikaldia eginez, plazara heltzeko.
Herriko proba izanik, ikusmina handia zen, eta ikuslez lepo zegoen plaza. Irabazlea, meritu handiz, Pello Altzelai (1:31:04) izan zen, Oier Aierdiren (1:32:26) eta Iñaki Aguirreren (1:34:23) aurretik. Emakumezkoetan, Leire Estarriaga (1:51:59) gailendu zitzaion Sarabe Arakamari (1:52:06), alde gutxiz.
Gainontzeko partaideei dagokionez, Iosu Jaka laugarren izan zen (1:34:23), eta bere atzetik Xabier Mauleon (1:366), Aimar Araña (1:39:27) eta Andoni Goikoetxea (1:41:41) sailkatu ziren. Sarabe Arakamaren atzetik Araitz Jaka (1:52:06) eta Kai Karasatorre (2:17:23) iritsi ziren helmugara.