Perimenopausiaren inguruko hitzaldia, Etxarri Aranatzen

Martxoaren 22an, larunbata, 10:30etik 13:00etara, Señorak eta plazera, perimenopausia, beste ikuspegi bat kafe tertulia eginen dute, Etxarri Aranazko kultur etxean, Edurne Mendizabal Irrikaz sexologiako sexologoak gidatuta. Sakanako Mankomunitateko Berdintasun zerbitzuak antolatu du saioa, Martxoak 8 Emakumeen Nazioarteko Egunaren harira antolatutako programaren barruan. Sarrera librea da, baina aurretik izena ematea aholkatzen dute: berdintasuna@sakana-mank.eus.