Etxarri Aranazko Udalaren kultur programazioaren barruan Hariztiyen kontzertuak egitasmoa dago, Andra Mari ermitaren zelaian egiten dituzten emanaldiak, eta irailaren 26an, ostirala, 20:30ean, denboraldiko lehenengo kontzertua izanen da: Gartxot eta Olaia Inziarte abeslariak izanen dira. Udalak jakinarazi duenez taloak eta edaria egonen dira, eta lurrean esertzeko zerbait edo aulkiak eramatea aholkatzen dute. Eguraldi txarrarekin kontzertua plazan izanen da.