Etxarri Aranazko Udalak baso aprobetxamendua saltzeko enkante deialdia egin du. Pagoz osatutako lote bakarra da salgai dagoena. Bekola, Antontxola, Goikola eta Arginburueta dermiotan dago. Guztira 5.492 zuhaitz dira, 2.292,3 metro kubiko zur eta 5.792,6 metro kubiko egur egiten dute. Haren balioa 180.872,42 eurokoa da. Lotea eskuratzen duenak bi urte arte izanen ditu baso ustiapena egiteko.