Etxarri Aranatz San Donato futbol zelaiak itxura berria du. Belar naturala kendu eta belar artifiziala jartzeko lanak bukatu dira, eta ilbeltzaren 25ean, 11:00etan, Etxarri Aranatz Kirol Elkarteak zelai berria mustuko du. “Herriarentzat, denontzat. Denok barrura!” lelopean, herritarrak futbol zelaira gerturatzea gonbidatu dituzte. Auzatea, zozketak eta sorpresa iragarri dituzte.
Segidan, 13:00etan erregionalen mailako partida jokatuko da, Etxarri Aranatz eta Beloso taldeen artekoa, eta 15:45ean infantilen mailakoa, Etxarri Aranatz eta Lagun Artearen artekoa.