Apirilaren 11n, larunbatarekin, X. Agoizko Mendi Lasterketa jokatu zen (14 km, 850m+). Lasterketak gora egin du, aurten 267 korrikalari baitzeuden izena emanda.
Gizonezkoetan Paul Sasiet donostiarra izan zen txapelduna (1:13:20), Aguraingo Jon Vegasi ia 2 minutu aterata (1:15:16). Lehen sakandarra Hiriberri Arakilgo Iosu Urriza izan zen, sailkapenean 41. postuan (1:34:55). Emakumezkoetan Eneritz Karasatorre Araña etxarriarra izan zen txapeldun handia (1:36:14), Ane Arruti urnietarrari 2:28 aterata (1:38:42). Taldeka Ipareizea gailendu zen.