SAN JUANAK 2016

Goizetik lan, iluntzean erretzeko

Gurdiak hartu eta hiriberriar txikiak larreetako agotza eta basoan botatako egurrak jasoko dituzte ostegun goizean. Txitera elkartearen ondoan pilatuko dute, iluntzean sua pizteko. Txitera elkarteko zuzendaritzako kideek parrillan txistorra, urdaia eta saiheskiak prestatuko dituzte 20:00etan, hurbiltzen den guztia asetzeko. 21:00etan, berriz, haurrek ekarritakoei su eman eta su gainean saltoka ariko dira.