Ihoteak-Inauteriak 2020

Aittetarko, eta gehiago

Aittetarko.

Hiriberriarrak mozorratzeko eguna izanen dute biharkoa.

Txitera elkartean emanen diote hasiera aurtengo ihoteari hiriberriarrei. Eta inauteriei dagokien moduan eginen dute hori: jaten eta edaten. Izan ere, 11:30ean trikipoteoa izanen da Txitera elkartean. Trikitilarien doinuak animatuta eta gorputza tenplatu ondoren, elkarren indarrak neurtzeko hiriberriarrek herri kirol saioa eginen dute. 14:30ean mahaiaren bueltan eseriko dira mozorrotuak, baina horren aurretik, 14:00etan, mozorrotuen talde argazkia eginen da. 

Majo bazkaldu ondoren, Txitera elkarteak mus, pintxazo eta partxis txapelketak hartuko ditu. Gorputzak mahaitik jaiki eta ariketa pixka bat egitea eskatzen dienean, 19:30ean, sokatira eta txapela jaurtiketa neurketak izanen dira. Ihotea despeditzeko garai bateko inauteriko pertsonaiari, aittettarkori, betiko akabera emanen diote: sua. Haren inguruan moxorroak ibiltzen ziren, eskuan erratza edota zigorra zutela eta jendea berotzen zuten. Gerta daiteke haietakoren bat agertzea.