Pello Apezetxea Zubiri Goizuetan jaio zen 1932an eta BERRIA egunkarian egindako elkarrizketa batean kontatu zuen hamabi urte pasa zituela seminarioa, eta gero Etxarri Aranatzen hamar urte egon zela apaiz; 1955tik 1965era. Herritik eta etxetik zetorkion euskaltzaletsuna, baina Sakanako herrian garatu zitzaion euskararekiko atxikimendua; elizan-eta jendearekin euskaraz egiten zutela kontatu zuen. Apezetxea Etxarriko parrokiako koruko zuzendaria izan zen ere, Etxarri Aranazko Abesbatzak sare sozialetan gogoratu duenez: "Gaur izan zirenei esker gara".
Etxarri Aranazko apaiza izandako Pello Apezetxea hil da
Larunbatean hil zen, 90 urte zituela. Apaiza, idazlea, euskaltzalea, ohorezko euskaltzaina eta Ttipi-ttapa fundazioko lehendakaria zen, eta 1955tik 1965era Etxarri Aranazko apaiza eta Parrokiako koruko zuzendaria izan zen.