Hiriberriarrek Txitera ingurua dute hitzordua

Hiriberriko festetako irudi bat. ARTXIBOA

Herriko haurrek bildutako egurrarekin egindako sua piztuko dute ekainaren 23an, ostegunean, Arakilgo herrian. 

Txikiak goizean agotza eta egurra bildu eta elkarte ondoan su emateko prest utziko dute. Herriko elkartearen, Txiteraren ondoan elkartuko dira hiriberriarrak udako solstizioa ospatzera. 20:00etan sua piztu eta haren gainean saltoka ibiliko dira. Elkarteko zuzendaritzako kideek txistorra, urdaia eta saiheskiak prestatu eta haiek jateko eskainiko dituzte.