Lurralde Kohesiorako Departamentuak behin betiko onetsi du Irañetako hirigintza planaren aldaketa. Horren bidez hiri-lurzorua handitu da, Irañetako hiri-lurzoru finkatugabe gisa kategorizatuta, familia bakarreko etxebizitza bat eraikitzeko, tipologia librekoa, erabilera propiorako. Aldaketa horren bidez 1.147,81 m² hiri-lurzoru finkatugabea handitu da. Partzela hori herri sarrerako bidegurutzearen ondoan dago, NA-2410 errepidearen bazterrean, Uharte Arakilerako noranzkoan ezkerrera. Lanak direla eta, obrako ibilgailuak partzelara sartu eta atera aritzen dira, beraz, inguru horretan tentuz gidatzeko seinaleak jarri dituzte.