Larunbatean jokatu ziren Irurtzun Pilota Taldeak antolatutako 17. Eskuz Binakako Irurtzun Torneoko finalak. Martxoaren bukaeratik makina bat klubetako 100 bikote baino gehiago lehiatu dira aipatu txapelketan: 20 bikote benjamin mailan, 20 bikote kimuetan, 16 haurretan, 22 kadeteetan eta 24 jubeniletan; eta larunbatean erabaki zen guztia, giro ederrean eta maila handiko lehietan. Emaitzak: Benjaminetan: Apezetxea-Salaberria (Umore Ona) 18 - Mata-Espinal (Oberena) 9Kimuetan: Beraza-Martija (Bi Aizpe) 18 - Okiñena-Mariezkurrena (Oberena) 12Haurretan: Santesteban-Alduntzin (Esteribar) 4 - Iribarren-Iturriaga (Gipuzkoa) 18Kadetetan: Idoate-Beraza (Irurtzun) 15 - Zestau-Mina (Uharte) 22Gazteetan: Ansotegi (Irurtzun) -Lukin (Aldabide) 22 - Ezkurdia (Aldabide) -Zabaleta (Irurtzun) 11Gazteen partidan denboraldian nabarmendu diren lau pilotari aritu ziren: Ansotegi, Lukin, Ezkurdia eta Zabaleta. Akaso Ansotegik eta Lukinek egin zuten hasiera bikainean erabaki zen partida, 6-1 eta 10-2ko partzialak lortu baitzituzten. Eroso aritu ziren kantxan, Ezkurdia eta Zabaleta ez bezala. Ezkurdiak ez zuen pilotarekin gozatu, eta Zabaletak zailtasunak izan zituen. Hala ere 15-11ra hurbiltzea lortu zuten, baina ordutik aurrera bata bestearen atzetik pilatu zituzten tantoak Ansotegik eta Lukinek, 22-11 irabaziz. Sari emate ekitaldian Aspeko jokalari Alberto Ongay satrustegiarra, Lacturale etxeko kudeatzaile Juan Manuel Garro, Irurtzun taldeko presidente Edu Mata eta Nafarroako Pilota Federazioko presidente Migel Angel Pozueta izan ziren.