Irurtzungo Udalaren asmoa da zerbitzu anitzetako enplegatu izateko lanpostu bat oposizio bidez betetzea. Izendapenaren ondorioz, hautatua gertatzen dena Udaleko nomina eta plantilako funtzionario bilakatuko da. Lanpostua D mailari dagozkion lansariez hornituko da. Deialdi honetan parte hartu ahal izateko, eskabideak aurkeztu beharko dira Irurtzungo Udalaren Erregistroan, 30 egun naturaleko epean. Izendatuak ondoko eginkizunak izanen ditu, besteak beste: udalaren eraikin eta instalazioen kontserbazio eta mantentze-lanak; kale eta plazetako lorategi eta zuhaitzetan aritzea, eta beraz, erein, landatu, ureztatu, inausi, lurra lantzea, eta abar; kale eta plazak garbitzea eta berdeguneak ureztatzea eta Udalak agintzen dizkion beste guztiak, bere kategoriari badagozkio.