Itxipuruk 9 urtetan milaka objekturi bigarren bizitza bat emateaz gain elkartasun proiektutara bideratu dituen 45.306 euro lortu dituEguraldia lagun makina bat jende pasa zen igande goiz-eguerdian Irurtzungo Plazatik. Itxipuru taldeko kideek mahaietan jarritako liburu, CD, bideo-jolas, arropa, elektrotresna eta bestelako objektuak poliki saldu ziren. Guztira 1.128 euro bilduz. Diru kopuru horri apirilaren 6an Iratxo elkartean eginen den afarian ateratakoa gehitu beharko zaio. Izena eman nahi duenak 4ra arteko epea du; Iratxo, Pikuxar edo Moncloatik pasa beharko du (18 euro). Irurtzunen jasotako diru guztia Senegalgo Darou Salamen kontsultategi anbulatorioa zabaltzera bideratuko da. Itxipuru taldea 2004ko abenduan antolatu zuen aurrenekoz bigarren eskuko azoka. Irurtzundarrek etxean duten, erabilerarik ematen ez eta egoera onean daude gauzei bigarren aukera bat emateko sortu zen azoka: "Bizi garen gizarte kontsumista horrek ezartzen duen erabili eta bota jarrerari ikuspegi kritikoa". Ideia horri fidela zaio azoka. Krisiarekin batera, azokako kontsumitzaileak laguntza emateagatik beharrak estaltzeko premia asetzera pasa dira. Urte hauetan azokatik eratorritako bestelako ekimenak ere garatu ditu Itxipuruk, beti ere, berrerabilpenaren ikuspegia galdu gabe. Hala, sortu ziren liburu eta jostailu trukeak esaterako. Pixkanaka taldera jende gehiago bildu da, baita irurtzundar berriak ere. Urtea Hilabetea Proiektua Dirua2004 Abendua Argentinako Huangelengo ospitalerako 5 ordenagailu. 3.2912005 Apirila Buenos Ariesko Don Torcuatoko biltegi bat eraiki eta labe industrial baterako 5152005 Garagarzaroa Mexikoko Coatzacoaleko Irsharai adingabeen zentroarendako. 4002005 Lastaila Saharako Tinduf eremuan garraio base integrala. 543 2005 Abendua Buenos Aireseko Torcuato auzotik elikagaiak erosteko. 6632006 Apirila El Salvadorreko Cinquerako La Escopetako ikastetxea konpontzeko 1.9082006 Garagarzaroa Saharako Tinduf eremuan garraio base integrala. 1.4912006 Iraila Argentinako Huanguelenen behar bereziak dituzten pertsonendako eskola 1.6072006 Azaroa Buenos Airesko San Damian auzoko osasun zentroa laguntzeko 2.5322007 Apirila Peruko Urubambanen Down eta bestelako gaitzak dituzten haurren programarako 2.6102007 Garagarzaroa Argentinako Santa Anitako landa ospitaleko azpiegitura 1.3202007 Iraila Errusiako Yuzhnouralsk hiriko Iuzko-Ural´sk umezurztegia laguntzeko 1.8692007 Abendua El Salvadorko Cinquerako ingurumen eta garapen egitasmoa garatzeko 2.6492008 Apirila Buenos Aires Hurlingham hiriko San Damian auzoko ospitalerako 2.4762008 Iraila Argentinako Santa Anitako landa ospitalea laguntzeko 2.2772008 Abendua El Salvadorko San Jacintoko kaleko umeak hartzen dituen zentrorako 2.4042009 Apirila El Salvadorreko kaleko haurrak laguntzeko 2.3592009 Iraila Brasilgo Fortalezako Barra de Ceara auzoko neskatoak laguntzeko 1.9112009 Azaroa Paris 365 jangela solidarioa (arropa soilik) 1842010 Apirila Ruandako Kabeza eskualdean etxeak eraikitzera bideratuko dira 2.2002010 Iraila Iruñeko Paris 365 jangela solidariorako 2.3022011 Apirila Ruandako nutrizio zentro batera bideratuko 2.1382011 Azaroa Argentinako San Fernandoko La Esperanza auzoan hezkuntza proiektu bat 2.1992012 Apirila Irurtzungo kulturartekotasun programa aurrera egiteko bideratu da ateratakoa. 1.0332012 Lastaila Hondurasko Tegucigalpako auzo baztertuko 2 eskoletako jangeletarako 1.2972013 Martxoa Senegalgo Darou Salamen kontsultategi anbulatorioa zabaltzeko 1.128* Guztira: 45.306*6ko afarian aterako den dirua falta da.