Irurtzungo kaleetan eguberrietako argiteriaz aparte goi tentsioko argindar dorreak irudikatzen dituzten egiturak jarri dituzte San Martin kaleko faroletan. Autopista Elektrikorik Ez! plataformako kideek modu horretan Deikaztelu eta Itxaso artean Red Elektrica Españolak aurreikusitako 400 kWeko argindar linea salatu nahi dute. Argibide paneletan plataformak azaldu duenez, REEren egitasmoak ez dio eskaera bati erantzuten eta ez du arazorik konpontzen.
Plataformatik, bestalde, iragarri dute ilbeltzaren 9an, 19:30ean, kultur etxean Oligopoly2: El imperio eléctrico contra todxs dokumentala emanen dutela.