Magna Nafarroa Xotak ohorezko mailako sailkapenean azkena den Gran Canaria taldearen kontra jokatuko du gaur, ostiralean, 22:00etan, Kanariar irletan. Imanol Arregiren taldeak gaur hartuko du hegaldia Kanarietara eta bihar itzuliko da.
Aurreko asteburuan El Pozo Murciaren kontra 4-5 eta gero, Irurtzungo taldearendako positiboa litzateke gaur jokoan dauden 3 puntuak eskuratzea. Gero ligak atsedenaldia hartuko du otsailaren 15era arte, Eurokopa jokatuko delako. Ea Magna Xotak irabazi eta sailkapeneko 5. postuari eusten dion.