Magna Nafarroa Xotak lagunarteko partida polit eta hunkigarria jokatu zuen ostiralean, Etxabakoitzen, Nafarroako Down Sindrome elkarteko Navarra 21 taldearen kontra. Sorpresa handia hartu zuten Navarra 21 taldeko neska-mutikoek, eurek El Huerto taldearen kontra aritzea espero baitzuten, eta lehen mailako Magnako jokalariak kantxara atera zirenean, pozez zoratzen jarri ziren. “Halako ekitaldiak oso politak dira. Neska-mutilak pozik jartzen dira, ilusio handiarekin, eta guretzako oso aberasgarria da. Eurengatik asko dugu ikasteko” adierazi zuen Imanol Arregi entrenatzaileak.