Futsalsakanak, hainbat babesle eta laguntzailerekin batera, 12 orduko Irurtzun 2014 areto futbol txapelketa antolatu du biharko, garilaren 26rako. Txapelketa Irurtzungo Atakondoa kiroldegian jokatuko da eta 7 taldek eman dute izena. Taldeak multzotan banatuko dira, ligaxka jokatuko da eta talde onenak sailkatuko dira finalerdietarako.
Final handia 20:00etan
Talde bakoitzak gehienez 12 kide izango ditu eta partidak 40 minutukoak izango dira. Goizeko 8:00etan hasiko da txapelketa, Irunlekun eta Gunea tabernaren kontrako lehiarekin. 9:00etan Café K+DA eta Ingenieria Iradi lehiatuko dira eta 10:00etan Arbizu La Faif. Segidan talde guztiak guztien kontra jokatuko dute. Irurtzungo 13:00etan sartuko da lehian, Arbizu eta La Faifen arteko galtzailearen kontra. Finalerdiak 17:30ean abiatuko dira, eta, final handia 20:00etan jokatuko da.
Sariak ederrak izango dira: txapeldunak 300 euro eta trofeoa, txapeldunordeak 150 euro eta trofeoa, hirugarrenak eta laugarrenak 75 euro eta txapelketako jokalari onenak 75 euro.
Taldeak
A multzoa: Irunlekun (Irurtzun-Lekunberri), Café Bar KE+DA (Berriozar), Gunea taberna (Irurtzun) eta Ingenieria Iradi (Altsasu).
B multzoa: Arbizu KT, Irurtzungo, eta La Faif (Irurtzun).
www.futsalsakana.es
Irurtzungo 12 orduetako informazio guztia: partidak, ordutegiak eta beste.
II. Futsal Sakana txapelketan izena ematea zabalik
Aurreko denboraldian antolatu zen, lehenengoz, Futsal Sakana Txapelketa. 7 taldek eman zuten izena. Arbizu KT-k irabazi zuen txapelketa eta Uharte Arakilgo Racing San Migelek kopa. Denboraldi berrian, 2014-2015ean jokatuko den II. Futsal Sakana Txapelketan parte hartu nahi duten taldeek abuztuaren 15era arte eman dezakete izena www.futsalsakana.es web gunean. Bertan txapelketari buruzko informazio guztia dago.
Bihar, larunbatean jokatuko da txapelketa, 8:00etatik aurrera